ભારતીય શેરબજારમાં તેજી, BSE માં 400 પોઈન્ટથી વધુનો વધારો

નવી દિલ્હીઃ BSE અને NSE સૂચકાંકો સેન્સેક્સ અને નિફ્ટીમાં સોમવારે વધારો નોંધાયો હતો. વિશ્વની સૌથી મોટી અર્થવ્યવસ્થાના રેન્કિંગમાં ભારતે જાપાનને પાછળ છોડીને એક નવું સ્થાન પ્રાપ્ત કર્યું છે. ભારતીય અર્થતંત્ર અંગેની આ માહિતી બજારમાં રોકાણકારોનો ઉત્સાહ વધારવામાં મદદરૂપ થયા છે. બપોરના સમયે બીએસઆઈ 444.32 પોઈન્ટના વધારા સાથે 82177.68 અને એનએસઈ 145.60 પોઈન્ટના વધારા સાથે 24997.95 પોઈન્ટ ઉપર ટ્રેન્ડ થઈ રહ્યો હતો.

સવારે લગભગ 9.32 વાગ્યે, સેન્સેક્સ 640.3 પોઈન્ટ અથવા 0.78 ટકા વધીને 82,361.46 પર ટ્રેડ કરી રહ્યો હતો, જ્યારે નિફ્ટી 187.39 પોઈન્ટ અથવા 0.75 ટકા વધીને 25,040.45 પર ટ્રેડ કરી રહ્યો હતો. નિફ્ટી બેંક 408.25 પોઈન્ટ અથવા 0.74 ટકા વધીને 55,806.50 પર ટ્રેડ થઈ રહ્યો હતો. નિફ્ટી મિડકેપ 100 ઇન્ડેક્સ 426.60 પોઈન્ટ અથવા 0.75 ટકા વધીને 57,114.35 પર ટ્રેડ થઈ રહ્યો હતો. નિફ્ટી સ્મોલકેપ 100 ઇન્ડેક્સ 145.90 પોઈન્ટ અથવા 0.83 ટકા વધીને 17,789.25 પર બંધ રહ્યો હતો.

વિશ્લેષકોના મતે, ભારત વિશ્વની ચોથી સૌથી મોટી અર્થવ્યવસ્થા બનવાના સમાચાર નજીકના ભવિષ્યમાં બજાર માટે મનોબળ વધારનાર બનશે. સરકારને RBI તરફથી બમ્પર ડિવિડન્ડ ચુકવણીથી પણ મદદ મળશે, જેણે બજેટ અંદાજ કરતાં વધુ ડિવિડન્ડ ચૂકવ્યું છે, જેથી FY26 માટે રાજકોષીય ખાધનો લક્ષ્યાંક 4.4 ટકા જાળવી રાખવામાં મદદ મળશે.